المكان : إسكندرية _كورنيش إسكندرية { الشاطبئ }
كنت أجلس وحيدا ً والمكان يمتلئ بالعشاق والمحبين
كم تمنيت أن تكون معى حبيبتى
وأطوقها بعقد من الفل والياسمين
فرأيت بائعة الفل
البنت
بياعة الفل
تبيع الفل على الكورنيش
وبتقصد . .
وبتقصد كل الحبيبة
وبتقطع لمسات دفيانه مابينهم
* * فل يابيه . . فل ياهانم**
خد عقد يابيه علشان الهانم
خدى فله ياهانم علشان البيه
البنت
بياعة الفل . .
بتحب الفل . . وعيون الحبيبة
المليانه
بالشوق واللهفة . .
وعيونها ملايكة بتحرس خطاويهم
البنت بتسرح بخيالها
زى ماتكون ويا حبيبها
ماشين ع الكورنيش
ومابينهم حواديت وحكاوى
وفجأة تفوق م الحلم
تلاقى الفل مازال فى إيديها
والشمس خلاص هتغيب
تجرى بسرعة ورا الحبيبة
* * فل يابيه . . فل ياهانم * *
وعشان الفل هيدبل على عوده
يضطروا الحبيبه يخدوه
فتوه البنت فى أحلامها . .
وعيونها بتبعد ع الكورنيش
وخطاوى الحبيبة بتتقل . .
بقلمي
موضوع: البنت بيــاعـــة الفل 
